估估畫畫復活節

大家好呀！！！話咁快又到左一年一度嘅復活節啦！！！

每當復活節嘅時候唔知大家都會諗起乜野嫁呢? 四日長假? 復活蛋? 復活兔?

係香港耶穌生命堂，我哋每年都會慶祝耶穌復活嘅大日子，但係今年我哋更進一步，簡直係走在時代嘅尖端，我哋將會有一個〝估估畫畫復活節〞特別聚會，包括好玩嘅遊戲、強勁嘅敬拜以及有關復活節嘅信息。真係精彩內容，不容錯過！

記着早D到啦，三點開始有得畫復活蛋嫁啦！！！

到時見！！！

你今日join左未呀? —— 生命小組

上次同大家介紹過每逢星期日係香港耶穌生命堂都有個新奇，好玩又有趣嘅教會聚會，咁今次等我再話比大家知我哋除教會聚會以外，仲有乜野係一樣咁新奇，好玩又有趣嫁啦！就係叫〝生命小組〞嗱。

因為無論在那裡，有兩三個人奉我的名聚會，那裡就有我在他們中間。〔馬太福音18章20節〕

係香港耶穌生命堂，我地相信生命小組對基督徒生命嘅成長係非常重要，可以話係同出席教會聚會聽道一樣咁重要，而生命小組故名思義就一個比我地分享日常生活逸事嘅地方，但更重要嘅係，佢亦係一個比基督徒一齊好好分享、學習同成長嘅地方。

生命小組每星期一次，而我哋係小組除左又食又玩，有講有笑之外，我哋有一樣嘢每次小組都一定會分享嘅就我哋嘅靈修筆記。可能你會問靈修筆記究竟係乜野黎嫁？問得好！靈修筆記其實就係我哋每日去記低神透過聖經同我哋親自講過乜野知識同道理，唔需要長篇大論，而最緊要係我哋又可以點樣實用返D知識同道理係我哋嘅日常生活裏面。

藍書(Blue book) + 綠書(Green book)

有時我係小組亦會用一本叫做藍書(Blue Book)或一本叫做綠書(Green Book)嘅習作，藍書同埋綠書都係我哋係日本東京耶穌生命堂嘅主任牧師 Rod Plummer 親自遍寫，中英對照。藍書主要教我哋點樣去認識耶穌更加多，成為佢嘅朋友。而綠書主要教我哋點樣去成為一個耶穌嘅門徙，幫助我哋更進一步咁裝備自已。

而習作入面有唔同主題，我哋亦會因應唔同需要去學習唔同主題入面嘅課題，圖文並茂，簡單、實用又易明，真係新奇，好玩又有趣嫁呀！

買藍書(Blue book)同綠書(Green book)送iPad啦喂！………………….講笑！！！